Boeke

Liefde vir ‘n feëprinses

Hy is NIE by die werkskontrak ingesluit nie!
Inge se nuwe werk as die Jouberts se au pair beteken sy hoef nie meer slapelose nagte oor finansies te hê nie. Sy sal niks doen wat dié standvastigheid kan bedreig nie. 
Omdat sy die tweeling van kleins af grootgemaak het wen Inge gou Robbie se vertroue en liefde en raak John ook teen sy sin besonder geheg aan haar. Inge het nie tyd of plek in haar lewe vir verhoudings nie maar aangetrokkenheid tot haar baas die aantreklike John Joubert volg nie dié klousule nie en hy is nie by die werkskontrak ingesluit nie.

Liefde vir ‘n cowboy

Ami is New York se gunstelingstouterd, Brad is die goue seun van Country-musiek. Hul Las Vegas-troue is ’n skandaal, maar hulle moet voorgee om verlief te wees om hul families te beskerm. Maar Ami beleef by Brad iets wat sy gedink het nie meer bestaan nie – liefde sonder voorbehoud.

Hoe om ‘n hart te wen

Janke was van altyd af verlief op haar grootwordmaatjie, Louw. Maar nou is Louw verloof en hy trou binnekort. Janke en Henry gaan voorgee dat hulle ’n paartjie is om Louw jaloers te maak en sy oë oop te maak, maar hulle hou nie rekening met Kupido se streke nie.

As dit proe soos liefde

Lisa Steyn keer ná ses jaar terug Suid-Afrika toe om Carel de Villiers se huwelik te stop. Sy het net vier weke tyd. Maar sy hou nie rekening met Carel se broer Johann nie …

Liefde vir ‘n Ridder

Annabel en haar klein Ami moet vir drie maande in New York saam met Jack Parker in sy suite bly. Hy sal dit oorleef. Hy is tog immers nie die troutipe nie. Maar hoekom voel sy hart deesdae so snaaks?

Liefde vir ‘n Vlinder

Emma Parker vlug van haar weelderige lewe in New York om as huishoudster vir Pieter Joubert op sy Bosveldplaas te werk. Hy het ’n groot bloutjie met ’n rykmansdogter in sy verlede geloop en gaan Emma teen alle koste vermy …

‘n Tweedehandse hart

Helene en Cronjé “erf” sy suster se klein dogtertjie en Helene moet noodgedwonge ’n tyd lank op sy plaas gaan woon, al is hulle al vyf jaar van mekaar vervreem. Sodra die aanneming afgehandel is, gaan sy beslis weer Kaapstad toe waar haar werk en lewe is.
Albei van hulle het nog gevoelens vir mekaar, maar die verlede staan reëlreg in die pad van enigiets wat weer tussen hulle sou kon opvlam. 
Teen haar sin kruip klein Carla diep in Helene se hart, en sy smag ook opnuut na Cronjé se liefde, maar dan hoor sy dis neusie verby vir haar omdat hy en die lieflike Lelani op trou staan …

Liefde vir ‘n Vuurvreter

Imke trou halsoorkop met Mark Parker en kom tot haar skok agter dis eintlik Robert, sy broer, wie se naam op die huweliksertifikaat staan. Die Parker-naam moet ten alle koste beskerm word, en Imke en Robert besluit om die charade te leef tot sy haar groenkaart en hy sy wynplaas in Frankryk gekry het. Dan sal hulle paaie skei.
Dis toe nie so maklik om platonies, én boonop getroud, saam in een huis te woon nie.

Leer my liefhê Book Cover

Leer my liefhê

Toe Diaan uiteindelik haar studieleier ontmoet, is hy allesbehalwe ’n verstokte ou man, hoe onverbiddelik hy ook al is. En hy weet van iets uit haar verlede wat haar drome oor hom fataal maak.